Ալինա Ավետիսյան

Ծնվել է 1973 թվականի հունիսի 4-ին Երևանում։ Ավարտել է Երևանի ճարտարապետաշինարարական ինստիտուտը, իսկ հետագայում կրթությունը շարունակել Երևանի կառավարման և ինֆորմացիոն տեխնոլոգիաների համալսարանում։

Աշխատանքային գործունեությունը սկսել է 1995 թվականին՝ որպես համակարգչային ինժեներ։ 2001 թվականից իր մասնագիտական ուղին շարունակել է Հայաստանի հարկային և եկամուտների վարչարարության համակարգում՝ զբաղեցնելով տեղեկատվական տեխնոլոգիաների ոլորտի տարբեր պատասխանատու պաշտոններ։ Տարիների ընթացքում ղեկավարել և մասնակցել է պետական տեղեկատվական համակարգերի մշակման, ներդրման և զարգացման կարևոր ծրագրերի իրականացմանը։

2019 թվականին նշանակվել է ՀՀ ՊԵԿ տեղեկատվական տեխնոլոգիաների վարչության պետի տեղակալ, իսկ 2020-2024 թվականներին կատարել է վարչության պետի պարտականությունները։ 2024 թվականի մարտին նշանակվել է «ՋԻ ՍՈԼՅՈՒՇՆՍ» ՊՈԱԿ-ի տնօրենի պաշտոնակատար, իսկ նույն թվականի հոկտեմբերի 4-ից հանդիսանում է կազմակերպության տնօրեն։

Ունի հարկային ծառայության 2-րդ դասի ավագ խորհրդականի դասային կոչում։